Bachpann mei hum sapne dekha karte the, maa ki godd mei baithke, taare gina karte the
Sapnon mei sochte, jab bade honge, tab taare tod layenge maa ke liye
Jab bade hue, tab paison ki chamak mei iss tarah andhe ho gaye, ki sapne kahi peeche kaali parchaai mei chupp gaye
Paison ke peeche aise daude, ke parchaai bhi kadam na mila saki
Pyaar, sanskaar, parivaar, sab reh gaye peeche, hamari parchaai se guzara karte hue
Humne socha, jab Lakshmi ke haath dhare waapis lautenge, tab pyaar, parivaar, parchaai sab haath failaye khade honge
Humne to iraada kar liya tha, lekin Lakshmiji ke iraadon ka hisaab nahi kiya
Wo thehri, natkhat, chanchal hirani jaisi, jitna hum paas jaate, utna wo durr bhaagti
Arso gujar gaye, paison se kabhi jee nahi bhara
Ek roz jab palat ke dekha to pyaar ne saath chod diya tha, sanskaar bhrashtacharya mei ulajh gaya tha aur parivaar, wo to hamari raah dekhte dekhte jaane kab parchaai ke andhere mei simat gaya tha
Parchaai ab bhi hamare peeche thi, par paison ki tez daud ne uska naksha iss kadar badal diya tha ki hum khud apni parchaai ko pehchaan nahi paye
Sab kuch to kho chuke the hum, bas chitta ko aag lagana baaki reh gaya tha
Aaj paise kaam aayenge, kafan jo khareedne hai
Kaash ke hum bade hi na hote, hum maa ki godd mei, taaro se baatein karte hue hi khush the
(This is something I've been meaning to do since a while - write something in Hindi. It's just such a beautiful language.
I know there will be a zillion glaring errors so please feel free to point them out.)
No comments:
Post a Comment
Note: only a member of this blog may post a comment.